Wednesday, March 9, 2011

ఒక దేవత వెలసింది ,ఏదో ఒక రాగం

ఒక  దేవత వెలసింది ,





ఒక  దేవత వెలసింది నా కోసమే 
ఈ ముంగిట నిలిచింది మధుమాసమే 
సంధ్యాకాంతుల్లోన శ్రావణిలా  
సౌందర్యాలే  చిందే యామినిలా
ఎన్నో జన్మల్లోని పున్నమిలా 
శ్రీరస్తంటూ  నాతో అంది ఇలా 
నిన్నే ప్రేమిస్తానని    


 విరిసే వెన్నెల్లోనా,మెరిసే కన్నుల్లోనా
నీ నీడే చూశానమ్మా 
ఎనిమిది దిక్కులలోన  ముంగిలి చుక్కల్లోనా 
నీ జాడే వెతికానమ్మా  
నీ నవ్వే  నా మదిలో అమృతవర్షం 
ఒదిగింది  నీలోనే అందని స్వర్గం 
నునుసిగ్గుల మొగ్గలతో ముగ్గులు వేసి 
మునుముందుకు వచ్చేనే  చెలినే చూసి 
అంటుందమ్మా నా మనసే 
నిన్నే ప్రేమిస్తానని                                                    "ఒక దేవత "


రోజా మొక్కను నాటి ప్రాణం నీరుగా పోసి 
పూయించా నీ జడ కోసం  
రోజూ ఉపవాసంగా,హృదయం నైవేద్యంగా 
పూజించా నీ జత కోసం
నీరెండకు నీవెంటే  నీడై వచ్చి 
మమతలతో  నీగుడిలో ప్రమిదలు చేస్తా 
ఊపిరితో నీ రూపం  అభిషేకించి 
ఆశలతో నీ వలపుకు హారతులిస్తా 
ఇన్నాళ్ళూ అనుకోలేదే 
నిన్నే ప్రేమిస్తానని                                               "ఒక దేవత "



చిత్రం        నిన్నే ప్రేమిస్తా 
రచన         రాంబాబు
సంగీతం     ఎస్ ఎ రాజ్ కుమార్



ఏదో ఒక రాగం 





ఏదో ఒక రాగం పిలిచిందీ వేళ 
ఎదలో నిదురించే కధలెన్నో కదిలేలా 
నా చూపుల దారులలో చిరుదీపం వెలిగేలా 
నా ఊపిరి తీగలలో అనురాగం పలికేలా 
జ్ఞాపకాలే మైమరుపు, జ్ఞాపకాలే మేల్కొలుపు 
జ్ఞాపకాలే నిట్టూర్పు , జ్ఞాపకాలే ఓదార్పు                       "ఏదో ఒక"

వీచే గాలులలో నీ ఊసులు జ్ఞాపకమే 
పూచే పువ్వులలో నీ నవ్వులు  జ్ఞాపకమే 
తూరుపు కాంతుల ప్రతికిరణం నీ కుంకుమ జ్ఞాపకమే
తులసి మొక్కలో  నీ సిరుల జ్ఞాపకం
చిలక ముక్కులా నీ అలక జ్ఞాపకం                                 "ఏదో ఒక "

మెరిసే తారలలో నీ చూపులు  జ్ఞాపకమే
ఎగసే ప్రతి అలలో నీ ఆశలు జ్ఞాపకమే
కోవెలలోని దీపంలా నీ రూపం జ్ఞాపకమే
పెదవి పైన నీ పేరే చిలిపి జ్ఞాపకం
మరపు రాని నీ ప్రేమే మధుర జ్ఞాపకం                       "ఏదో ఒక"

 చిత్రం                 రాజా 
రచన                  సిరివెన్నెల 
సంగీతం              ఎస్.ఎ.రాజ్ కుమార్